Ko te Paraire, te 29 o Kohi-tātea o te tau 2010 te rā katinga mō ngā tāpaetanga

Ko te koronga o te pakirehua he whiwhi mōhiotanga whānui kē atu mō ngā mahi o te ahumahi tūpeka ki te whakatairanga i te momi tupeka i waenganui i a ngāi Māori, mō te tukinga o te hauora o te taupori Māori nā te momi tupeka, mō te whānui o ngā tukinga ki te ōhanga, pāpori, ahurea me te whanaketanga ka ara ake nā aua momo pānga ki te hauora, ā, mō te kaha noa atu o te momi tupeka. Hei wāhanga o te pakirehua ki te whai ake i ngā whakataunga, kei te whakaarohia e te komiti ngā tātai mō te kaupapa here me te hanga o te ture.

Ko ngā ritenga tohutoro, ki te uiui

i ngā mahi hītori a te ahumahi tupeka ki te whakatairanga i te momi tupeka i waenganui i a ngāi Māori ka tahi,

i te tukinga o te hauora, o te ōhanga me te oranga pāpori, o te oranga ahurea hoki o ngāi Māori nā te momi tūpeka ka rua,

i te tukinga o te whakapakari a ngāi Māori i ōna wawata, angitū hoki nā te momi tupeka ka toru,

painga kua putu ki a ngāi Māori nā te momi tupeka ka whā,

ngā tātai mō te kaupapa here me te hanga o te ture hoki ka hiahiatia hei whai ake i ngā whakataunga o te pakirehua ka rima.

Ki te tuhia he tāpaetanga, e rua ngā kape mō aua tāpaetanga ka hiahiatia e te komiti. Mō taua hunga ka pīrangi whakauru pārongo he muna, he whaiaro te āhua, me matapaki tēnei i te taha o te hēkeretari o te komiti i te tuatahi nā te mea, ko te tikanga, ka whakaputaina ngā tāpaetanga e te komiti ki te marea. Mō taua hunga ka pīrangi tū ki mua i te aroaro o te komiti ki te kōrero ki tā rātou tāpaetanga, me mārama tonu te whakaatu mai i tēnei, me te hōmai nama waea whakapā atu hoki i te awatea. Hei āwhina i ngā whakahaerenga, me hōmai koa tō tātai poutāpeta me tētahi wāhitau īmēra mehemea kei a koe tētahi.

Ka kitea ētahi atu ārahitanga mō te whakatakoto tāpaetanga i te hononga, Te Whakatakoto Tāpaetanga ki Tētahi Komiti Whiriwhiri Pāremata, i te paewhiri `Ngā tuhinga pātahitanga´.