Ngā komiti whiriwhiri

Me whakatakoto tāpaetanga

Content provider
Information
Date:
12 February 2010
Contact details
Committee Secretariat
Māori Affairs
Parliament Buildings
Wellington

Phone: +64 4 817 9047
Fax: +64 4 499 0486
Email contacts
Related links

Te pakirehua mō te mahinga o te Ture Whakapakari Hapori Māori o te tau 1962 me ngā take e pā ana

Kua puta he īnoi i nāianei kia tuku tāpaetanga mai te marea mō tēnei pakirehua. Ka kaha koe ki te tuku ā-tuihono mai i tō tāpaetanga: me panuku ki te mutunga o te whārangi nei. Me āta titiro koa hoki mehemea kei a koe ngā pahū ake mō te tuku

Ko te Paraire, te 12 o Hui-tanguru o te tau 2010 te rā katinga mō ngā tāpaetanga

Kapi ai i te Ture te kaupapa ture o ngā Komiti me ngā Tōpūtanga Māori. Ka whakamārama hoki i ngā mana me ngā mahi o ngā Wātene Māori me te Kaunihera Māori o Aotearoa. Ko te mahi hoki a te pakirehua, he arotake whānui i te Ture. He wāhi hoki kei roto i te pakirehua mō ngā tāpaetanga a te marea me te whakamaherehere tiketike rawa atu. Ka taea te titiro i te katoa o ngā ritenga tohutoro i raro i “Ngā tuhinga pātahitanga” i te whārangi taipitopito pakirehua.

Ki te tuhia he tāpaetanga, e rua ngā kape mō aua tāpaetanga ka hiahiatia e te komiti. Mō taua hunga ka pīrangi whakauru pārongo he muna, he whaiaro te āhua, me matapaki tēnei i te taha o te hēkeretari o te komiti i te tuatahi nā te mea, ko te tikanga, ka whakaputaina ngā tāpaetanga e te komiti ki te marea. Mō taua hunga ka pīrangi tū ki mua i te aroaro o te komiti ki te kōrero ki tā rātou tāpaetanga, me mārama tonu te whakaatu mai i tēnei, me te hōmai nama waea whakapā atu hoki i te awatea. Hei āwhina i ngā whakahaerenga, me hōmai koa tō tātai poutāpeta me tētahi wāhitau īmēra, mehemea kei a koe tētahi.

Ka kitea ētahi atu ārahitanga mō te whakatakoto tāpaetanga i te hononga, Te Whakatakoto Tāpaetanga ki Tētahi Komiti Whiriwhiri Pāremata, i te paewhiri `Ngā tuhinga pātahitanga´.

Verification