Ngā pokapū tautoko Pāremata

Ngā Tari Pāremata

Content provider
Information
Date:
24 June 2006
Related links

E toru ngā tari o te Pāremata – ko te Tari o te Kaitātari Kaute Matua, ko te Tari Kaitiaki Mana Tangata, ā, ko te Tari o Te Kaiwhiri Pāremata mō te Taiao. Whakahaerea ai ia tari e tētahi āpiha Pāremata nā te Kāwana Tianara i whakaingoa i runga i te tūtohu a te Whare Māngai. Haere hāngai ai ā rātou pūrongo ki te Whare o ngā Māngai.

Te Tari o te Kaitātari Kaute Matua

Ko te Kaitātari Kaute Matua te kaitātari kaute mō ia whakahaere o te katoa. Ka uru atu ki tēnei te tātari kaute i te Karauna, ngā tari kāwanatanga, ngā whakahaere a te Karauna, ngā hīnonga Kāwanatanga, ngā whakahaere ā-rohe me te huhua o ētahi atu rōpū whakahaere o te katoa.

Te Tari Kaitiaki Mana Tangata

I te wā nei, e rua ngā Kaitiaki Mana Tangata kua whakaingoatia. Ko tā rāua mahi he whakatewhatewha amuamu mō ngā whakataunga whakahaere, mō ngā tūtohutanga rānei nā ngā rōpū whakahaere, pokapū kāwanatanga ā-waenganui, ā-rohe hoki o Aotearoa i whakatakoto. He mana arotake wehe kē rāua, ā, tuku whakamārama ai ki te Pāremata.

Te Tari o te Kaiwhiri Pāremata mō te Taiao

He whānui ngā mana whakatewhatewha o te Kaiwhiri Pāremata mō te Taiao, ā, whakatakoto pūrongo ai mō tētahi take e takakino ana i te taiao. Ka kaha anō hoki ngā komiti whiriwhiri ki te tono ki te Kaiwhiri Pāremata mō te Taiao kia tukua atu he tohutohu ki a rātou mō ngā take taiao.