New Zealand Parliament Pāremata Aotearoa
Language
Language

Te whakapā ki tētahi MP

Ko ngā Mema Pāremata ōu māngai i roto i te Pāremata. E wātea ana koe ki te whakapā atu ki a rātau ki ō rātau tari i te pāremata rānei, ki ō rātau tari i waho o te Pāremata rānei, kei ngā tari ā-rohe.

Kei tēnei whārangi ngā tohutohu mō te kimi i ngā taipitopito whakapānga mō ngā MP, me te āhua o ngā kōrero ki ngā tāngata i te Pāremata i roto i wāu kōrero ki a rātau.

> Ētahi kōrero e hāngai ana

Te whakapā ki te Mema Pāremata

  • Haere ki te rārangi o ngā Mema Pāremata ōnaianei.
  • Kōwhiria te āhua o te rārangi i pīrangi ai koe ki te puta (hei tauira, kia puta te rārangi e ai ki te pāti tōrangapū, te kete mahi, te rohe pōti, ngā komiti whiriwhiri take rānei). Mā aua ritenga koe e āwhina ki te tipako i te Mema Pāremata e tika ana hei whakapānga māu
  • Pāwhiritia tō te mema ingoa hei haere ki te whārangi kei reira ngā taipitopito whakapānga me ngā kōrero pāremata mōna
  • Kei te paetukutuku o te Kāwanatanga o Aotearoa (Wharepī) hoki ngā taipitopito whakapānga mō ngā Minita
  • Titiro ki raro iho nei ki ngā taipitopito whakapānga mō ngā tari katoa i waho o te Pāremata, me te rārangi o ngā īmera a ngā mema katoa
Small group raising their hands as if to ask questions Enlarge image

Source: iStock

Ngā tari i waho o te Pāremata me ngā rārangi īmera

He tari hoki wō ngā MP i waho o te Pāremata. Kei ngā rārangi i te takere o te whārangi nei ngā taipitopito whakapānga, ā, e pai ana te whakamahi mō te rārangi tuku kōrero te take.

Panoni ai ngā tari, nā reira ia hia marama nei whakahoungia ai ēnei rārangi i waenga i te wā pāremata. Tīkina atu te PDF rānei, te Excel rānei o aua kōnae i te wāhanga Hāngai ana i te takere o te whārangi nei nā.

Ko ngā Whārangi Kōwhai he wāhi kē hei kimi i te tari o ētahi MP e tata ana ki tō wāhi noho, me he tari rānei, i raro i te ūpoko ‘Mema Pāremata’.

Ko tēhea tōku rohe pōti?

Whakamahia ngā mahere whenua o te paetukutuku o Te Kaitiaki Take Kōwhiri kia kitea ai te rohe e noho nei koe.

Ko wai ngā Minita?

Kei te rārangi minia a Te Tari o te Pirīmia me te Rūnanga ētahi atu taipitopito mō ngā mahi me ngā haepapa a ngā Minita. Whakamahia taua rārangi hei āwhina i a koe ki te tipako i te Minita e tika ana hei whakapānga māu.

Mēra Kikokiko

E tuhi ai ki ētahi Mema Pāremata, me whakatakoto koe i ngā tohutohu o tō reta pēnēi i raro iho nei. Kāti i whakaritea te ratonga nei kia kore utu ai te whakapānga atu ki ngā Mema Pāremata a ngā tāngata o Aotearoa e hiahia ana ki te whakapā ā-reta atu. Ehara tana pūtake i te tukunga mēra tūmatanui o ngā kāri mēra rānei, ngā mātārere rānei. Tērā hoki te tohutohu mēra whai utu kei te whārangi Whakapā Mai.

[kuhuna tō te MP ingoa]
Freepost Parliament
Private Bag 18 888
Parliament Buildings
Wellington 6160

Me ka hiahia koe ki te tuku reta ki ngā Mema Pāremata katoa, tukuna mai kia 121 kape o tō reta i roto i te kōpaki kotahi. Tuhia hoki he kōrero popoto e inoi ana kia tohaina he kape ki ia MP, ia MP.

Me he pātai kē e pā ana ki te Freepost, whakapā koa mai: messengers@parliament.govt.nz

Kia pēnei te tohutohu o tō kōpaki:

All members of Parliament 
Care of Distribution Services 
Freepost Parliament
Private Bag 18 888 
Parliament Buildings 
Wellington 6160 

Kāore he take mō te panekuini i ngā reta ki ngā Mema Pāremata. Mō ngā reta anake te ratonga tohanga nei nā. Kāore mātau e tuku kape o ngā īmera ki ngā Mema Pāremata, ngā Minita rānei.

Te kawa me te āhua o te mihi

Anei ētahi tauira o te mihi tika ki ngā Mema Pāremata.  E kitea ai te āhua o ngā tāpiritanga ki te ingoa o tētahi MP, me haere ki ngā ‘taipitopito mema’ i te raro o tēnei whārangi. Ka taea hoki te haere ki ngā whārangi e pā ana ki ngā Mema Pāremata kia kitea ai ko wai mā he Hōnore, he Tākuta rānei.

 

Āhua o te ingoa

Te mihi

I rō kōrerorero

Māngai

Rt Hon Trevor Mallard, Māngai o te Whare Pāremata

E te Māngai

E te Māngai

Pirīmia

Rt Hon Jacinda Ardern, Pirīmia

E te Pirīmia

E te Pirīmia

Minita

Hon [Ingoa tuatahi Ingoa whānau], Minita o…

E te Minita

E te Minita

Mema Pāremata

Hon [Ingoa tuatahi Ingoa whānau] MP rānei, Ms / Mr / Dr [Ingoa tuatahi Ingoa whānau] MP rānei

E Mr / Ms / Dr [Ingoa whānau]

E Mr  /Ms / Dr [Ingoa whānau]

Waea kōrero

Ko te nama waea taupaepae matua mō te Pāremata o Aotearoa ko te (04) 817 9999

He āwhina kē atu?

Whakapā atu ki te Ratonga Mōhiohio o te Pāremata me he āwhina kē atu tāu e hiahia nei i mua i te whakapānga atu ki te Mema Pāremata.